திருமுறைகளும், நாலாயிரத்திவ்யபிரபந்தமும் போதிய அளவுக்கு பயிலப்படாமல் உள்ளது, அவைகள் இந்நூலில் ஆராயப்பட்டுள்ளன. ஆழ்வார்கள் பன்னிருவரையும், நாயனார் எழுவரோடு மாணிக்கவாசகரையும் இந்நூலில் விளக்க முயன்றுள்ளார் ஆசிரியர். இந்நூல் மூன்று பிரிவாக உள்ளது, முதற் பகுதி சைவ வைணவ நெறிகள் தமிழர்கள் நடுவே வளர்ந்த வரலாற்றைப் பேசுகிறது, அடுத்த பகுதி பக்தி இலக்கியம் பேசும் வாழ்க்கை அனுபவத்தைப் பேசுவதோடு, இலக்கிய வடிவங்களையும் விளக்குகிறது, மூன்றாவது பகுதி பக்தி இலக்கியத்தைப் படைத்துத் தந்த தெய்வக் கவிஞர்களின் தனித் தன்மைகளை வெளிப்படுத்த முயல்கிறது.