மூவாயிரம் ஆண்டுகளுக்கு மேலாக இடையறாத வரலாற்றுச் சிறப்புடைய தமிழ் இனத்தின் வரலாற்றை முதன் முதலாக விரிவாக ஆங்கிலத்தில் எழுதிய வரலாற்று அறிஞர்களில் பேராசிரியர், பி.டி. சீனிவாச அய்யங்கார் அவர்களும் ஒருவர். தமிழ் இன வரலாற்றை, தமிழ் மொழியின் சிறப்பை, தமிழ் இலக்கியத்தின் பெருமையை, தமிழ்ப் பண்பாட்டின் மேன்மையை, தமிழரல்லாத பிற இந்தியக் குடிமக்களுக்கும் மேனாட்டாருக்கும் எடுத்துரைத்த பெருமை அவரைச்சாரும்.