ஆசிரியர் சிவசங்கரிக்கு இப்போது வயது 60. மணிவிழா கொண்டாடும் எழுத்தாளப் பெண்மணி, இந்த இனிதான தருணத்தை சிறப்பாகப் பதிவு செய்ய முடிவெடுத்தார். தமிழின் முன்னணி எழுத்தாளர்கள் 60 பேரின் சிறுகதைகளைத் தொகுத்து நெஞ்சில் நிற்பவை என்ற தலைப்பில் இரண்டு தொகுப்புகளாக வெளியிட்டிருக்கிறார். இந்நூலின் அசத்தல் ஆச்சரியம் அந்த அறுபது எழுத்தாளர்களும், தமது படைப்புகளில் நெஞ்சில் நிற்கும் ஒரு கதையை அவர்களே தேர்ந்தெடுத்துத் தந்திருப்பதுதான். லா.ச.ரா, ஜெயகாந்தன், வல்லிக்கண்ணன், சுஜாதா, மு.கருணாநிதி, பிரபஞ்சன் என அத்தனை எழுத்தாளர்களும் அணிவகுக்கிறார்கள் இந்நூலில். கூடவே சிவசங்கரியின் 60 சிறுகதைகளும் இந்நூலில் உள்ளது.