பண்டைக்கால சேரநாடு தென்னக வரலாற்றில் முக்கியமான பங்கேற்ற காலம். வியக்கத்தக்க நிகழ்ச்சிகளும் திருப்பங்களும் கண்ட நாடு. மலை வளமும், மங்கையர் எழில் வளமும், புலவர் பெருமக்களின் இன்சுவைப் பாக்களும், மன்னர்களின் நெறி தவறா ஆட்சியும் ஒருங்கே இணைந்த நன்னாடு. யவனரும், ஆப்பிரிக்கரும் கோட்டைக் காவலர்களாகவும், துறைமுக அதிகாரிகளாகவும், கலங்கரை விளக்கங்களின் அதிகாரிகளாகவும் பணிபுரிந்த காலம். சேர மாமன்ன்ன் நெடுஞ்சேரலாதனின் பொற்காலம். நெடுஞ்சேரலாதன் ஒருவனே இக்கதையில் வரும் சரித்திர நாயகன். இத்தகைய வரலாற்று நிகழ்ச்சிகளைப் பின்னணியாகக் கொண்டும் நெடுஞ்சேரலாதனின் இமய வெற்றியை மையமாக்க் கொண்டும் “அலை அரசி” என்ற இந்தச் சரித்திர நாவல் புனையப்பட்டுள்ளது.